Ourense convértese nun grande escenario ao aire libre nesta ruta que nos leva a descubrir lugares que serviron de escenario para películas e producións audiovisuais.
A través dun percorrido por rúas, prazas, pontes e recunchos con encanto, coñeceremos como a cidade e mais a súa contorna se transformaron ante as cámaras para narrar historias de todo tipo. Ademais de identificar localizacións de rodaxe, exploraremos curiosidades, anécdotas e detalles sobre as producións que escolleron Ourense como plató.
Unha experiencia diferente para amantes do cinema, da cultura e do patrimonio, que permite ver a cidade cunha nova mirada: a da sétima arte.
Roteiros de Cine
28 de setembro
As visitas
As visitas, gratuítas e de carácter lúdico e divulgativo, están dirixidas por Beatriz Rodríguez Álvarez e Olalla Lorenzo Sueiro, con traslados entre as distintas localizacións en autobús. As prazas para cada roteiro son limitadas, e deben reservarse no correo roteirosdecine@gmail.com ou nos teléfonos 690 813 726 e 988 215 465.
Nesta edición, serán tres os roteiros que percorrerán os escenarios de cine na provincia de Ourense. Estas son as datas, os destinos e as obras cinematográficas homenalleadas:
28 de setembro:
- Melón, Camporredondo, Ribadavia, San Clodio, Pazos de Arenteiro e Moldes.
- A Esmorga, Cotolay, El desorden que dejas, Olvido y León, Los girasoles ciegos, Cuñados, Elisa y Marcela.
30 de setembro:
- San Pedro de Rocas, Allariz, Verín e Cabreiroá.
- Live is life, A lingua das bolboretas, Cuñados, La virgen del cristal, Me has robado el corazón, Vidago Palace.
2 de outubro:
- Ourense e Celanova.
- Los girasoles ciegos, A esmorga, 13 exorcismos, Cuñados, O home e o can, Hospital central, Pelerinaxes, Santoalla, Años después, Elisa y Marcela, Anos despois, El desorden que dejas, El bosque del lobo.
