Sinopse
Vera e Lucas, unha parella de corentóns frustrados, atopan un enorme apartamento á metade de prezo grazas á «nuda propiedade». Cómprano agora, pero Jesús, o ancián propietario, seguirá vivindo alí ata a súa morte. O que semellaba unha solución milagrosa convértese axiña nunha obsesión cando Jesús desaparece, reaparece cambiado e deixa de comportarse como alguén nos seus últimos días. Entre sospeitas, frustración e un humor negro cada vez máis corrosivo, a parella comeza a contemplar un plan tan absurdo como tentador.
Ficha Técnica
Dirección Alberto Utrera
Guión Carlos Soria, Alberto Utrera
Fotografía Miguel Ángel García
Montaxe Alberto Utrera, Sevilla Lucía
Música Iván Valdés
Deseño de produción María Del Busto
Vestiario Óscar Guimarey
Intérpretes Susana Abaitua, Maxi Iglesias, David Lorente, Pepe Viyuela, Paco Churruca
Produción Carlota Amor, Fede Pajaro
Distribución Cinemaran
Tráiler
Alberto Utrera
España, 1982
Alberto Utrera comezou a súa carreira na televisión antes de dar o salto dez anos despois á publicidade, aos documentais e, finalmente, á ficción. Especializado en montaxe, onde, nas súas propias palabras, «botou máis horas de traballo ca un frigorífico», traballou en todos os departamentos do proceso de produción, o que lle dá unha ampla perspectiva sobre como abordar un proxecto audiovisual. Amante da comedia como xénero, que «nos axuda a aceptar o que non podemos entender», está centrado actualmente na súa última película, Nuda Propiedad, que está previsto estrear no 2026.
Filmografía destacada
2026 Nuda Propiedad
2025 Uno equis dos
2025 La senda del pecado
2024 Desmontando a Lucía
2021 Sembrando el futuro
2021 Impuros
2017 Smoking Club (129 normas)
