-
‘Club Kid’ e ‘KIRO’ fanse coas Calpurnias ás Mellores Películas nunha Gala de Clausura que homenaxeou a traxectoria de Charo López e recoñeceu a ‘El mal hijo’ de Jaime Lorente como Mellor Ópera Prima.
No OUFF · Ourense Film Festival puxemos este sábado o punto final á súa 31ª edición cunha emotiva Gala de Clausura no Auditorio Municipal de Ourense. A cerimonia, conducida pola xornalista Noelia Rey e o presentador Luis Larrodera baixo a dirección de Iván Iglesias, reuniu a profesionais do audiovisual, premiados e a un público entregado para celebrar unha semana inesquecible de cinema e encontros.
Palmarés da 31ª edición
A noite percorreu os grandes triunfadores do festival, destacando a entrega das máximas distincións da competición:
-
Calpurnia á Mellor Película Internacional: Club Kid, de Jordan Firstman.
-
Calpurnia á Mellor Película Panorama Galicia: KIRO (recollido por María del Carmen Quiroga, filla de Ana Kiro).
-
Premio Ópera Prima: El mal hijo, de Jaime Lorente.
-
Premio Especial OUFF a toda unha traxectoria: Charo López, quen recibiu unha calurosa ovación entregada por Francis Lorenzo.
Sección Oficial Panorama Galicia:
-
Mellor Interpretación: Elena Seijo (Walking Holiday).
-
Mellor Guión: Cian Desmond (Walking Holiday).
-
Mellor Dirección: María Aparicio (A veces me entra tristeza, otras veces rebelión).
-
Mellor Curtametraxe Panorama Galicia: Baja la marea, de Óscar Villarroya.
-
Mellor Curtametraxe Internacional: Vital, de Amir Zargara.
-
Premio do Público Panorama Galicia: KIRO.
Sección Oficial Internacional:
-
Mellor Dirección (Premio Carlos Velo): Myrsini Aristidou (Hold Onto Me).
-
Mellor Interpretación: Jessica Reynolds (The Wolf, the Fox & the Leopard).
-
Mellor Guión: Cristian Mungiu (Fjord).
-
Premio Especial do Xurado: La Maison des femmes (La casa de las mujeres).
-
Premio do Público Internacional: La Maison des femmes (La casa de las mujeres).
Unha comunidade unida polo cinema
Durante a gala, o director artístico do festival, Óscar Doviso, quixo destacar a conexión única acadada co público: «Volvemos facer comunidade arredor do cine. Mentres haxa historias que contar, persoas dispostas a contalas e espectadores dispostos a escoitalas, teremos unha razón para seguir aquí».
Pola súa banda, o presidente da Deputación de Ourense, Luis Menor, reafirmou o apoio institucional ao certamen: «Ourense quere cine, sabe facer cine e sabe acoller o cine. O apoio á cultura é unha inversión na nosa identidade e na nosa economía». A velada contou tamén coa emotiva actuación musical do grupo Escuchando Elefantes e pechouse coa proxección de El mal hijo.
PROXECCIÓNS DOS FILMES GAÑADORES NO TEATRO PRINCIPAL
Os espectadores poderán gozar de novo das películas premiadas no Teatro Principal:
-
Domingo 4 de outubro (11:00 h): KIRO (Calpurnia á Mellor Película Panorama Galicia).
-
Domingo 4 de outubro (17:30 h): Club Kid (Calpurnia á Mellor Película Sección Oficial Internacional).
-
Xoves 8 de outubro: Re-proxección de La Maison des femmes (Premio do Público Internacional) e a Película Sorpresa para posuidores do Bono 10+.
